Persónuverndarstefna

Ábyrgðaraðili vinnslunnar er 3stig, [kennitala og heimilisfang]. Fyrirspurnir um persónuvernd má senda á hallo@3stig.is.

Þú þarft hvorki að skrá þig né gefa upp nafn, netfang eða símanúmer til að nota appið. Þegar appið er sett upp býr það til nafnlaust tækjaauðkenni (handahófskenndan streng) sem er geymt á tækinu sjálfu. Auðkennið er ekki tengt þér sem einstaklingi og ekki hægt að rekja það til þín út frá gögnum okkar.

Með nafnlausa tækjaauðkenninu geymum við eftirfarandi á netþjónum okkar:

• Tegund stýrikerfis (iOS eða Android), útgáfu stýrikerfis og útgáfu appsins.
• Tungumálastillingu tækisins.
• Uppáhaldslið sem þú velur í appinu.
• Tilkynningastillingar þínar (hvaða tilkynningar þú vilt fá).
• Ýtitilkynningalykil (push token) frá Apple eða Google – aðeins ef þú leyfir tilkynningar – svo við getum sent þér áminningu á leikdegi.

Tilgangurinn er eingöngu að láta appið virka: muna liðið þitt, senda tilkynningar sem þú baðst um og tryggja að appið virki rétt á þinni útgáfu stýrikerfis.

Tilkynningar (áminning að morgni leikdags, við upphafsflaut og með lokatölum) eru sendar frá netþjónum okkar í gegnum þjónustur Apple (APNs) og Google (FCM). Þessir aðilar fá ýtitilkynningalykil tækisins og innihald tilkynningarinnar til að koma henni til skila. Þú getur slökkt á tilkynningum hvenær sem er í appinu eða í stillingum tækisins; þá er lyklinum eytt hjá okkur.

Við seljum auglýsingar í appinu sjálf og notum enga þriðju aðila auglýsinganet, rakningu eða greiningartól. Til að geta gert auglýsendum grein fyrir árangri teljum við birtingar og smelli á hverja auglýsingu. Við þær talningar er eingöngu notað nafnlausa tækjaauðkennið; engin snið eru búin til um áhugamál eða hegðun og engum gögnum er deilt með auglýsendum um einstök tæki.

Öll gögn eru geymd á okkar eigin netþjónum. Gögnin eru ekki seld, leigð eða afhent þriðja aðila, nema lög krefjist þess. Við notum enga ytri greiningar- eða rakningarþjónustu á vefnum 3stig.is.

Þegar þú eyðir appinu af tækinu hverfur tækjaauðkennið og við getum ekki lengur tengt gögnin við tækið; þau eru hreinsuð úr kerfum okkar í kjölfarið. Þú getur líka beðið um eyðingu hvenær sem er með því að senda nafnlausa tækjaauðkennið þitt (sést í stillingum appsins) á hallo@3stig.is.

Fréttir í appinu eru fyrirsagnir og útdrættir frá mbl.is, RÚV, KKÍ og Körfunni og hver frétt vísar á upprunalega miðilinn. Þegar þú opnar frétt gilda persónuverndarskilmálar viðkomandi miðils. Leikjagögn – leikjadagskrá, úrslit, lifandi tölur og tölfræði – koma frá KKÍ og Genius Sports (FIBA LiveStats).

Þú átt rétt á að fá upplýsingar um þau gögn sem við geymum um tækið þitt, að fá þau leiðrétt eða þeim eytt, og að kvarta til Persónuverndar (personuvernd.is) telji þú vinnslu okkar ekki standast lög. Þar sem gögnin eru nafnlaus þurfum við tækjaauðkennið þitt til að finna þau.

Við kunnum að uppfæra þessa stefnu, til dæmis þegar nýir eiginleikar bætast við appið. Ný útgáfa er birt hér og dagsetningin efst á síðunni uppfærð.

3stig, [kennitala og heimilisfang] · hallo@3stig.is